Жаңалықтарды Telegram арнамыздан оқыңыз!Қазақстан Президентінің халыққа арнаған Жолдауында ең алдымен қарапайым халықтың мүддесі ескерілген. Мүлде жаңа экономикалық бағытты көздегені байқалды. Шетелдік бірқатар сарапшылардың пікірі осы. Мамандар күрделі әрі орындалуы ұзақ жобалардың дәуірі өткенін айтады. Сондықтан жолдау неғұрлым жинақы, өмірлік маңызы бар істердің жиынтығы іспетті, дейді.
Дарья Чижова, ММУ ақпараттық-сараптама орталығының директоры, сарапшы:
Ұлттық қордың табысынан азаматтарға төлем жасау әлемдік тәжірибеде бар. Мұнай сатудан зор пайда көретін бірқатар араб елдері осыны қолданып келеді. Сондықтан бұл жолғы Жолдау әлеуметтің әлеуетін арттыруды көздеген. Инвестицияның игілігін көруге де жағдай жасалмақ. Қазақстанда саяси реформаларды жүзеге асыратын уақыт жетті.
