Жаңалықтарды Telegram арнамыздан оқыңыз!Еуропада соңғы 500 жылда болмаған қуаңшылық салдарынан өзен-көлдер кеуіп, жасыл желек қурап барады. «Қарт құрлықтың 17 пайызы кеуіп қалудың алдында тұр», – дейді мамандар.
Нұрсұлу Қасым, тілші:
Қазір Италия, Испания, Португалия, Франция, Германия, Нидерланд, біз тұрған Бельгия, Венгрия, Румыния, жалпы Еуропа аумағының 47 пайызы қуаңшылықтың зардабын тартып отыр. Швейцария мен Францияның шекарасындағы Брене өзені суалған. Бұрын оның тереңдігі 18 метр болатын. Басқа да өзендерде судың тартылуы кемелердің жүрісін қиындатты. Балықтар қырылып жатыр. Өсімдіктер, ағаштар, егін қурап барады. Шаруалар биыл су тапшылығы, аптап ыстықтың кесірінен жүгері мен күнбағыстан алынатын өнім 15-20 пайызға азаяды деп дабыл қақты. Әдетте күннің көзіне зәру болатын британдықтар мен бельгиялықтар енді жаңбыр құйса деп тілеп отыр. Алайда Еуропалық комиссияның ғалымдары Жерорта теңізінің Батыс бөлігінде ауа райы қарашаға дейін құрғақ, жылы болады деп болжайды.
