Павлодар облысының ауылдарында әкім сайлауы өтеді - «Qazaqstan» Ұлттық телеарнасы

Павлодар облысының ауылдарында әкім сайлауы өтеді

05.08.2022

28 тамызда Павлодар облысында ауылдық округ әкімдерінің сайлауы өтеді. Сайлауда Ақсуға қарасты Қызылжар ауылдық округінің әкімі таңдалады. Сайлау комиссиясының ақпараты бойынша, округ құрамына бес елді мекен кіреді. Ондағы халық саны — 3623 адамды құрайды. Соның 1699-ы сайлауға қатысады деп күтілуде. Сонымен қатар Ефремов ауылдық округінде әкім сайлауы өтеді. Дегенмен мұнда әзірге үміткерлер тіркелген жоқ. Сол сияқты Баянауыл және Күркелі ауылдарында да әкім сайлауы өтпек. Мемлекеттік кеңесші Ерлан Қарин былтырдан бері 1093 елді мекеннің әкімі сайланғанын мәлімдеген еді.


Хабарламаларға жазылу