Жаңалықтарды Telegram арнамыздан оқыңыз!Пара алған Алматы облысы Төтенше жағдайлар департаментінің лауазымды тұлғаларына миллиондаған айыппұл салынды. Талдықорған қалалық соты сыбайлас жемқорлыққа барғандарға қатысты үкім шығарды.
Департамент бастығының бұрынғы орынбасары Ахашовқа пара алғаны үшін 6,7 миллион теңге көлемінде айыппұл салынды. Дәл осындай қылмысы үшін Қонаев қаласы Төтенше жағдайлар департаментінің бастығы Түркістановқа 47 миллион теңгеден аса айыппұл міндеттелді. Сотталғандар өмір бойы мемлекеттік қызметте жұмыс істеу құқығынан айырылды. Полковник, азаматтық қорғау подполковнигі сынды арнайы шендері де тартып алынды.
