Жаңалықтарды Telegram арнамыздан оқыңыз!Бүгін - мемлекетіміздің басты құжаты Ата Заңымыздың қабылданғанына 19 жыл. Басты заң аясында бабын тапқан бастама, жолын тапқан қаншама жобалар жүзеге асты. Конституцияда көрсетілген принциптердің негізінде қазақ жерінде тәртіп пен тұрақтылық мызғымастай орнады.
Алғаш Ата заң - Алматыда 1993 жылдың 28 қаңтарында бекітілді. Осы құжат арқылы еліміз жаңа демократиялық, адам құқықтары мемлекеттің құқықтарынан жоғары қойылатын шын мәніндегі зайырлы, зиялы қоғам құру ісіне аяқ басты.
Алайда, бұл нұсқаның кей тұстарын әлемдік өркениет талаптарына сай ширату, нарықтық өмірдің тағылымдарымен толықтыру қажет болды. Елбасының ұсынысымен 1995 жылдың 30 тамызында жаңа толыққанды Конституция қабылданды.
