Жаңалықтарды Telegram арнамыздан оқыңыз!Референдум барысын экзитпулл мүшелері барынша бақылауда. Олар таңсәріден бері дауыс беру учаскелерінің алдында сайлаушылармен сұқбат құрып, әлеуметтік сауалнама жүргізуде. Қоғамдық және үкіметтік емес ұйым өкілдері интервьюер болу үшін алдын ала дайындықтан өткен. Сайлаушылардың жауаптары қатаң құпия қалады дейді.
Асан Әділбек, «Қоғамдық пікір» институтының өкілі:
Сіз Конституциялық өзгерістерді қолдадыңыз ба әлде қарсы дауыс бердіңіз бе деп сұраймыз. Қандай жауап береді, соны жазып аламыз. Сайлаушы жауап беруіне де, жауап бермеуіне де болады. Сондай-ақ, респонденттердің жас шамасын, жынысы мен ұлтын да жазып аламыз. Дауыс беруге түрлі санаттағы адамдар келіп, белсенділік танытып жатыр..Сауалнаманы бір сайлау учаскесінде жүргіземін. Бірінен екіншісіне ауыспаймыз.
