Жаңалықтарды Telegram арнамыздан оқыңыз!Референдумда дауыс беру – әлемдік талаптарға сай өтуде. Елдегі бірнеше учаскенің жұмысымен танысқан Халықаралық байқаушылар, осындай баға берді. Конституциядағы өзгерістерді бұқара жұрттың жаппай қолдап отырғанын, таңсәріден ұзын-сонар кезекте тұрған азаматтардың легінен байқадық,-дейді шетелдік мамандар. Әрі, Референдум секілді айтулы шараға Мемлекет тыңғылықты дайындалғанын да атап өтті. Осындай шаруалардың арқасында дауыс беру процессі кемшіліксіз, бірқалыпты, бастысы әлемдік шарт-талапқа сай өтуде дейді...
Сабир Гаджиев, Халықаралық байқаушы, ТМД қатысушы мемлекеттердің парламентаралық ассамблеясы
Қандай да бір заңбұзушылықтарды көргеніміз жоқ. Біз тәуелсіз бақылаушылардың, партия, қоғамдық ұйымдардың атынан процессті қадағалап отырған азаматтармен де сұқбаттасып, пікірін білудеміз. Қандай да бір көңіл толмаушылықтары бар ма,-деген сұрақ қоюдамыз. 70-ке жуық учаскені аралап шықтық, әзірге бірде-бір кемшілікті анықтамадық әрі тәуелсіз байқаушылар тарапынан да бізге ондай ақпарат түскен жоқ.
