Жаңалықтарды Telegram арнамыздан оқыңыз!Заң тұрғысынан тегін көмек беру тетіктері жетілдіріледі. Бұған мемлекет кепілдік беріп отыр. Сондай-ақ зияткерлік меншікті қорғау да күшеймек. Бүгін Сенатта осы мәселелерді реттейтін құжат қабылданды.
Нысаналы Ығыл, тілші:
Бұл заң жобасы халықтың әлеуметтік тұрғыдан аз қамтылған тобына үлкен қолдау. Өйткені кез келген заңға қатысты кеңес тегін беріледі. Алдағы уақытта осы норма арқылы азаматтардың құқықтарын қамтамасыз етуге мүмкіндік туады дейді сенаторлар. Жалпы, құжатта уәкілетті орган, сараптама ұйымы және соттарда сенім білдірілген өкілдер институтын жетілдіру көзделген. Ал заң кеңесшілері мемлекет кепіл болатын көмек көрсету жүйесіне енгізіледі. Бұдан бөлек Парламентте зияткерлік меншік туралы да заң жобасы мақұлданды. Онда туындылар мен өнертабыстарға авторлық құқықтарды қорғауға, оның ішінде сыйақы төлеуге мемлекеттік қолдауды күшейтуге, зияткерлік меншік өнімдерін өткізу мүмкіндігін кеңейтуге ықпал етеді. Сондай-ақ тек авторлық емес, өнеркәсіптік меншік нысандарын қорғау да назардан тыс қалмаған.
