Жаңалықтарды Telegram арнамыздан оқыңыз!Түркия өзіне санкция жариялаған елдердің НАТО-ға өтуін қолдап дауыс бермейді. Мұны президент Реджеп Тайып Ердоған ескертті. Түрік лидерінің сөзіне қарағанда, Швеция оның қарсыластарына, ең алдымен ислам уағызшысы Фетхуллах Гүлен мен Күрдістан жұмысшы партиясының жақтастарына пана беріп отыр. Анкара оларды террористік ұйымдар деп есептейді. Сонымен қатар, Швеция мен Финляндия Сириядағы соғысқа қатысқаны үшін Түркияға кейбір қару-жарақ түрлерін сатуға тыйым салды.
«Швеция мен Финляндия делегациялары Анкараға келіп, бізді үгіттемекші. Босқа әуре болмай-ақ қойсын», - дейді Ердоған. Айта кетсек, осыдан бірер күн бұрын Стокгольм де, Хельсинки де НАТО-ға өтуге өтініш беретінін ресми түрде растаған еді.
Арыстанбек Рысбек
