Жаңалықтарды Telegram арнамыздан оқыңыз!
Алматы әуе айлағының аумағында құлаған Bek Air әуе компаниясының Fokker-100 әуе кемесіне қатысты ұшақ апатын тексеру жұмыстары аяқталды. Тергеу нәтижелеріне сәйскес ұшақта техникалық ақаулар болғаны анықталды.
Нұрсұлтан Тілектес, тілші:
Апатқа қатысты тергеу, тексеру жұмыстары аяқталды. Индустрия және инфрақұрылымдық даму министрлігінің хабарлауынша апат ұшақ әуеге көтерілген кезде қанатының күш түсетін қасиеттерінің симметриясын жоғалтуының салдарынан орын алған. Комиссия қорытындысына сәйкес, ұшақ қанатының күш түсетін қасиеттерін жоғалтуының себебі жер үстіндегі мұздың әсерінен болуы ықтимал. Еске саламыз, 2019 жылғы 27 желтоқсанда Алматы-Нұр-Сұлтан бағытында ұшпақшы болған әуе кемесі құлап, екі қабатты үйге соғылған еді. Салдарынан 12 жолаушы қаза тапты. Менде әзірге бар ақпар осы. Өзге де мәліметтер жайлы алдағы шығарылымдарда хабарлаймын.
