Жаңалықтарды Telegram арнамыздан оқыңыз!Каспий жағалауын барлау барасында тағы 94 өлі итбалық табылды. Балық шаруашылығы, ветеринария мен эколог мамандар зертханалық сынамаларын алу үшін жағалауға зерттеу жүргізді. Итбалық өлекселерінің қатты бүлінуінен олардың неден қырылғанын анықтау мүмкін болмай отыр. Теңіз жануарларының бұлайша баудай түсуіне табиғи жағдай, қолайсыз ауа-райы, түрлі аурулар мен браконьер құрған ау құралдары себеп болуы да мүмкін. Каспий итбалығын сақтау үшін қазір олардың ерекше қорғалатын табиғи аумақтарын құру пысықталуда.
Берік Жүсіпбеков, Аумақтық ветеринарлық бақылау және қадағалау инспекциясының басшысы:
Бұның өлгенде әрі кеткенде ай жарым-екі айдай уақыт қалған. Анау түгел терісі түскен. Көздің қарашығы жоқ. Иістеніп жатыр. Бұдан енді материал алуға мүмкіндік болмайды.
