Жаңалықтарды Telegram арнамыздан оқыңыз!Былтыр Қазақстан мен Ресейдің сауда айналымы 25 млрд доллардан асып, рекордтық көрсеткішке жетті. Көрші бізбен барлық салада ынтымақты жандандыруға мүдделі. Бұл туралы ресейлік әріптесімен кездескен Премьер-министрдің орынбасары-Сыртқы істер министрі Мұхтар Тілеуберді айтты.
Тараптар саяси, сауда-экономикалық және мәдени-гуманитарлық салалар бойынша екіжақты әріптестік жайын талқылады. Жуырда елімізде Ресейлік екі университеттің филиалы ашылмақ. Ресейлік банктердің Қазақстандағы жұмысы да сөз болды.
Министр «Сбербанктің» Қазақстандағы филиалдарына қатысты санкциялардың 3 айдан кейін ғана күшіне енетінін айтты. Сонымен қатар, екі елдің тарихшыларынан құралған топ жұмысын жандандырмақ. Кездесу қорытындысы бойынша дипломатиялық қатынастардың орнағанына 30 жыл толуын мерекелеу жөніндегі іс-шаралар жоспарына қол қойылды.
Сапар барысында Мұхтар Тілеуберді «Орталық Азия + Ресей» форматындағы сыртқы істер министрлерінің бесінші отырысына қатысты.
Мұхтар Тілеуберді, ҚР Премьер-Министрінің орынбасары-Сыртқы істер министрі:
Әрине, Қазақстан үшін ең маңызды мәселелердің бірі – ауыл шаруашылығын дамыту мәселелері, ауыл шаруашылығы заттарын экспорттау мәселелері қиындық туғызуда. Сонымен қатар, әріптестерімізбен бірге бұл форматты бұдан да жоғары деңгейге көтеру мәселесі талқыланды.
