Жаңалықтарды Telegram арнамыздан оқыңыз!Ақтөбе облысында тағы бірнеше көпірді су шайып кетті. Қазіргі уақытта өңірдегі 7 елдімекенге жол қатынасы жоқ. Бұл ауылдарда 750 үй, 3 мыңнан астам тұрғын бар.
Ақтөбе қаласында да бірнеше шағын өткел ағын су екпініне шыдамай бұзылды. Байғанин, Ойыл, Қобда, Мұғалжар ауданында жолдарды су шайып, көлік қатынасына кедергі келтірді. Қазірге дейін қала аумағындағы саяжайларда 113 үйді су басты. 259 адам эвакуацияланды, оның 114-і – бала. Олар қала аумағындағы мектептерге орналастырылды. Әкімдіктің айтуынша, су шайып кеткен жолдар күн жылынғаннан кейін жөнделе бастайды. Сондай-ақ баспаналары бүлінген отбасыларға көмек беру жағы да қарастырылады.
Жақсығали Иманқұлов, облыс әкімінің орынбасары:
Жағдай аудан, қала бойынша бақылауда. Біз барынша көмек беріп, тиісті жұмыстарды ұйымдастырамыз.
Жақсыбек Кемал
