Жаңалықтарды Telegram арнамыздан оқыңыз!Ал мұнай арзандай бастады. Бренттің бағасы кешелі бері 6 пайызға түсті. Бұған Қытайда коронавирустың қайта өршуі себеп. Тіпті Шаңхайда карантин қатаңдатылып, локдаун енгізілген. Акция нарығына мұндай жаңалықтың кері әсер етері сөзсіз. Өйткені Қытай ірі импорттаушылардың бірі. Сол үшін шикізатқа сұраныс азаюы мүмкін деген қауіптен баға сәл арзандап отыр. Десе де сарапшылар бұған негіз жоқ дейді. Алдағы уақытта керісінше сұраныс арта түсуі мүмкін. Өйткені трейдерлер Ресей мұнайын сатып алудан бас тартып жатыр. Сол үшін көрші елде мұнай өндірісі тәулігіне үш миллион баррелге азаюы мүмкін. Айта кетейін қазір бренттің бағасы 113, WTI-дікі 110 доллар.
Досжан Маратұлы
