Жаңалықтарды Telegram арнамыздан оқыңыз!Қаржы нарығындағы ахуал нашарлағанымен мұнай қымбаттап, одан түсетін табыс артып келеді. Ұлттық экономика министрлігінің болжамына сай қара алтынның брент маркасы 100 доллар болып тұрса, Ұлттық қорға түсетін қаржы 1 триллион 900 миллиард теңгеге көбейеді. Оның үстіне экспорттық баж салығынан бюджетке 800 миллиард қосымша түседі. Ал мұнай бағасы 90 доллар болса, түсім 1 триллион 400 миллиардқа артады. Айта кетейін, ел бюджеті мұнай 60 доллар болады деген болжаммен есептелген. Қазір қара алтын баррелі 110 доллар. Ал ұлттық қордағы қаржы 54 миллиард доллар.
