Жаңалықтарды Telegram арнамыздан оқыңыз!Бүгін Украинадағы қазақстандықтар мінген үшінші рейс елге жөнелтіледі. Бұл туралы Украинадағы елші Дархан Қалетаев хабарлады. Қазір 74 адам Польшада ұшаққа отыру кезегін күтуде. Киевтен 41 қазақстандық мінген автобус келе жатыр. Осылайша тағы бір топ жерлестеріміз үшінші рейспен елге қайтады. Бүгінде Харьковта қазақстандық студенттер жоқ. Бірақ 6 баласы бар бір отбасы Одессадан шыға алмай отыр. Себебі құжаттарында кінәрат бар. Елшілік тарапынан қаржылай көмек көрсетілгенімен, оларды елге әкелу мәселесі әзірге шешілген жоқ. Сондай-ақ, Украинадағы қазақ диаспорасы да елшіліктен көмек сұрап жатыр.
