Жаңалықтарды Telegram арнамыздан оқыңыз!Қазақстанда ауаның ластану деңгейі жоғары. Бірақ бұл жағдай адам денсаулығына қалай әсер етіп жатқаны белгісіз, өйткені зерттелмеген. Жалпы, еліміздегі ауаның сапасына қатысты шекті көрсеткіштер 2 жылдан кейін жаңарады. Себебі олар Дүниежүзілік денсаулық сақтау ұйымы ұсынған нормалардан әлдеқайда әлсіз. Экологтардың айтуынша, атмосферадағы ластаушы заттардың шекті мөлшерін қайта қарау үшін де алдымен ауа сапасы бойынша ғылыми зерттеулер жүргізу керек. Алайда, бізде мұндай жұмыс жүргізілмейді. Экологтар мен бірнеше министрлік өкілдері осы мәселені бүгін бірігіп талқылады.
Жасұлан Қойшыбаев. ҚР ДСМ Санитариялық-эпидемиологиялық бақылау комитеті басқармасының бас сарапшысы:
Ластаушылардың адам ағзасына қаншалықты әсер ететіні туралы мәлімет бере алмаймын, өйткені экологияның адам ағзасына әсерін дәлелдеу үшін ғылыми зерттеулер қажет. Ғылыми зерттеулер неге жүргізілмейтінін толық айта алмаймын.
