Жаңалықтарды Telegram арнамыздан оқыңыз!Жамбыл облысында 20 тонна сексеуілді шекара арқылы өткізбек болған тұрғын ұсталды.
Қордай ауданы, Қарасу көлік өткізу бекетінде қызыл кітапқа енген өсімдікті жүк көлігіне тиеп алған Шымкент қаласының 33 жастағы тұрғыны құрықталды. Күдіктіге қатысты қылмыстық іс қозғалды. Заңсыз әрекеті үшін оның мүлкі тәркіленіп, 3 жылға дейін бас бостандығын айырылуы мүмкін. Сексеуіл - жойылып кету қаупі бар, сирек өсімдік, сондықтан оны отауға 2023 жылдың соңына дейін тыйым салынған.
Гүлсара Мұхтарқұлова, облыстық ПД баспасөз хатшысы:
Күдікт өз кінәсін толық мойындады. Аталған дерек бойынша қылмыстық кодекстің 349-бабы, 1-бөлімі бойынша тергеу амалдары басталды. Заттай айғақ ретінде 20 тонна сексеуіл тәркіленді. Биологиялық сараптама тағайындалды.
