Жаңалықтарды Telegram арнамыздан оқыңыз!Алматыда тәртіпсіздік кезінде 1600-ге жуық кәсіпкерлік нысандар зардап шекті. Қалалық кәсіпкерлік палатасының хабарлауынша, келтірілген шығын көлемінің жалпы сомасы 94,5 млрд теңгеден асты. Ал ірі кәсіпкерлік секторда 68 кәсіпорын зардап шекті. Соның ішінде 36 компанияның жарияланған сомасы 13 млрд теңге болса, 32 нысан шығынын әлі есептеп жатыр.
Сондай-ақ, мегаполисте орта бизнестен 80 сауда нүктесі бүлінген. 44 кәсіпкер 11 млрд теңге шығынға баттық десе, 36-сына келтірілген залал көлемі анықталып жатыр. Ал, шағын кәсіпкерлік саласындағы 1 455 кәсіпорынның 1 000-ға жуығына келтірілген шығын 76 млрд теңгеден асса, 500-інікі есептеліп жатыр.
Палатаның мәліметінше, бүгінде жедел тергеу топтары шағын және орта бизнес субъектілерінен 1 154 нысан тексерген. Қазір қажет тергеу әрекеттері жүргізіліп жатыр. Зардап шеккен нысандарды тексеру осы аптада аяқталады деп жоспарланған.
Айтуар Қошмамбетов, қалалық кәсіпкерлер палатасының директоры:
70%-дан астамына полиция органдары келіп жұмысын атқарған. Екінші сатыда біз шығынды өтеу бойынша оның сомасын анықтауымыз қажет. Ол үшін арнайы комиссиялар әр аймақтарда, әр аудандарда құрылған.
