Жаңалықтарды Telegram арнамыздан оқыңыз!Маңғыстау өңірінде қазір жағдай тұрақты. Бірақ аймақта төтенше жағдай режимі сақталып отыр. Блок-бекеттерде Ақтау мен Жаңаөзен қаласына кіріп-шығып жатқан көліктер мен жолаушылар тексерілуде.
Аягөз Оралбайқызы, тілші:
Облыста 8 блок-бекет бар. Полиция департаменті баспасөз қызметінің ақпаратына сүйенсек, коменданттық сағат кезінде 66 адамға ескерту жасалды. Бүгіннен бастап Ақтау қаласындағы екінші деңгейлі банктер, ірі сауда үйлері жұмысқа кірісті. Балабақшалар бүлдіршіндерді қабылдады. Мемлекеттік мекемелер, әлеуметтік нысандар және коммуналдық қызметтер жұмыс істеп жатыр. Сондай-ақ, бүгінген бастап халыққа қызмет көрсету орталықтары да штаттық режимде жұмыс істеуде. Тек, Ақтаудағы мамандандырылған халыққа қызмет көрсету әзірше қызмет көрсетпейді.
