Жаңалықтарды Telegram арнамыздан оқыңыз!Тәртіпсіздік болмаған өңірдің бірі - Ақмола облысы. Тұрғындар бірнеше күн жиналып, өз талап-тілектерін білдірген. Бірақ ешқандай заңсыздыққа жол бермей тарады.
Ермек Елберген, тілші:
Ақмола облысында оның ішінде Көкшетауда жағдай тұрақты. Барлық мекеме қалыпты режимде жұмыс істеп тұр. Демалыс болғандықтан балаларымен серуендеп жүрген тұрғындар баршылық. Десе де төтенше жағдайдың, коменданттық сағаттың талаптары қатаң сақталуда. Полиция мен күштік құрылымдардың мамандары күн-түні қоғамдық тәртіпті қамтамасыз ету үшін қалтқысыз қызмет етуде. Көкшетауда коменданттық сағатта 60 полиция қызметкері, 18 автопатруль және 200-ден астам «халық сақшысы» жұмылдырылған. Алайда ереже бұзғандар да жоқ емес. Төтенше жағдай режимін бұзған 28 адам ұсталған. Ал өткен түні коменданттық сағат ережелерін сақтамаған 140 адам анықталды.
Ермек Елберген
