Жаңалықтарды Telegram арнамыздан оқыңыз!1 қаңтардан бастап коллекторлық агенттіктердің жарғылық капиталы 10 млн теңгеден кем болмауы шарт. Қаржы нарығын реттеу және дамыту агенттігі өкілдерінің айтуына қарай мұндай агенттіктердің жарғылық капиталы біртіндеп өседі. Қаулы келер жылдан бастап күшіне енбек. Мысалы, қаңтардан бастап 10 млн болса, шілдеде 30 млн теңге болып бекітіледі. Ал 2023 жылдан бастап коллекторлық агенттіктердің жарғылық капитал 50 млн теңгеден аз болмауы керек. Еске сала кетейік, биыл Президент микроқаржылық ұйым мен коллекторлық қызметті реттейтін заңға қол қойған. Енді олар борышкердің бейберекет мазасын алып, тіркелмеген нөмірмен хабарласа алмайды. Қарыз алған адаммен сөйлескен аудио-видео жазбаны сақтауға міндетті.
