Жаңалықтарды Telegram арнамыздан оқыңыз!Денсаулық сақтау министрі коронавирустың жаңа штамы жайлы жаңартылған деректерді жариялады. Алексей Цойдың айтуынша «омикрон» штаммын зерттеу жалғасып жатыр. Тіпті вирустың бұл түрі басқа штамдарға қарағанда қалай таралатыны әлі белгісіз.
Сондай-ақ денсаулыққа қалай әсер ететіні де анықталып жатыр. Әзірге алдын ала дерек бойынша «Омикронды» өзге штамдарға қарағанда қайта жұқтыру қаупі жоғары болуы мүмкін екені айтылды. Қазір Дүниежүзілік денсаулық сақтау ұйымы оған қарсы вакцина тиімділігін тексеруде. Бұған дейін Жапонияның Ұлттық жұқпалы аурулар институты коронавирустың жаңа штамына байланысты қауіп арта түскенін хабарлаған еді.
