Жаңалықтарды Telegram арнамыздан оқыңыз!Бірқатар облыста қарапайым заттар экономикасының тауарлары бойынша жергілікті қамту үлесі төмен. Солтүстік Қазақстан мен Алматы қаласындағы көрсеткіш тым аз. Бұл әкімдердің кемшілігі. Осыған қарап олардың жұмыстары бағаланады. Үкімет отырысында Премьер-Министр осылай деді. Тек өңірлер рейтингінде Қостанай мен Шығыс Қазақстан көш бастап тұр. Ал, машина жасау, фармацевтика, жиһаз, химия мен тамақ және жеңіл өнеркәсіптерде жоспар орындалған. Бірақ, құрылыс материалы өндірісінде әлі нақты көрсеткішке қол жетпеген. Жергілікті қамту үлесі көрсеткіштерінің өсуін қамтамасыз ету үшін барлық қажетті шаралар, оның ішінде заңнамалық шаралар қабылданды.
Асқар Мамин, ҚР Премьер-Министрі:
Офтейк-келісімшарттар, тауарлардың электрондық каталогы, жер қойнауын пайдаланушылармен келісімдер сияқты жаңа құралдар енгізілді. Мұнай-газ машинасын жасауды дамытудың халықаралық орталығы, жергілікті қамтуды дамыту қоры құрылды. Жергілікті қамтуды дамыту – бұл әкімдердің негізгі міндеттерінің бірі, соған сәйкес олардың жұмысы бағаланады.
Нысаналы Ығыл
