Жаңалықтарды Telegram арнамыздан оқыңыз!Павлодардағы «Ақпараттық технологиялар колледжінің» бас есепшісі 7 жылға сотталды. Сондай-ақ, 10 жыл бойы мамандығы бойынша жұмыс істеуге тыйым салынды. Ол 5 жыл бойы 27 млн теңге көлемінде бюджет қаржысын ұрлаған. Қылмыстық әрекетін іске асыру үшін арнайы әдіс ойлап тапқан. Қызмет өкілеттігін пайдалану арқылы құжаттарды басқалардың көзінен сыртқары ұстап, жұмыс табелін тек өзі ғана толтырған.
Максим Зенгер, Экономикалық қылмыстарды тергеу департаментінің жедел уәкілі:
Ол етене таныс адамдары мен туыстарын ғана өзіне жақын тартып, колледжге жұмысқа қабылдаған. Бюджет қаржысын жылдар бойы жеке пайдасына айналдырып, ешкімге сездірмеуі содан. Еңбекақы ретінде солардың есеп-шотына түскен қаржыны өзі алып отырған.
