Жаңалықтарды Telegram арнамыздан оқыңыз!Тағы бір аймақ «жасыл» статусқа ие болды. Бүгіннен бастап Шығыс Қазақстан облысы қауіпсіз деңгейге өтті. Ал өткен тәулікте 1031 адамның вирус жұқтырғаны анықталды. Науқастар көп тіркелген аймақтар қатарында Нұр-Сұлтан мен Алматы қалалары және Қостанай облысы бар. Індетке шалдыққандардың жалпы саны - 950 мыңға жуықтады. Эпид ахуалды бағалау матрицасы бойынша 4 аймақ қауіпті өңір қатарында. Олар Қостанай, Павлодар, Ақмола, Солтүстік Қазақстан облыстары. Нұр-Сұлтан, Алматы қалалары, Қарағанды облысы «сары» аймақта. Өзге облыстарда жағдай тұрақты, «жасыл» статусқа ие.
