Қазақстан мен Моңғолияның мәдени байланысы туралы кітап жарық көрді - «Qazaqstan» Ұлттық телеарнасы

Қазақстан мен Моңғолияның мәдени байланысы туралы кітап жарық көрді

04.02.2014
Қазақстан мен Моңғолияның мәдени байланысы туралы кітап жарық көрді
Моңғолия Ұлттық Ғылым Академиясының академигі, тарих ғылымдарының докторы, профессор Ислам Қабышұлының «Екі елді ұлықтаған елу жыл» атты кітабы жарық көрді. Жинақта Қазақстан мен Моңғолияның тарихи, мәдени қарым-қатынасы толық әңгімеленеді.
 
Моңғолия мен қазақ елінің арасында 50 жылдай еңбек еткен тарихшы ғалым ең алғаш Мұхтар Әуезовтің «Көксерегін», кейін «Абай жолын», Ілияс Есенберлиннің «Көшпенділерін», Абайдың толық жинағын моңғол тіліне аударған. «Моңғолдар бұрындары қазақ әдебиетін білмеген.
 
Ал қазір ұлы Абайды қазақтар қалай құрметтесе, моңғолдар да солай құрметтейді»,- дейді ол. Моңғол энциклопедиясының алғашқы бетінде Абай суретінің тұруы осының дәлелі болса керек. 
 
Ислам Қабышұлы, Моңғолия Ұлттық Ғылым Академиясының академигі, тарих ғылымдарының докторы, профессор:
Шыңғысхан туралы дүниежүзінің 980 ғалымы жазған. Соның ішінде Шыңғысханның әулетін, үлкен ұлы Жошының мавзолейін жақтаған қазақ елі. Моңғолия энциклопедиясының бірінші бетінде Абай тұр. Абай Құнанбаев - әлемдік тұлға, моңғолдар ол туралы толық хабардар.

Хабарламаларға жазылу