Жаңалықтарды Telegram арнамыздан оқыңыз!Елімізде «Қару» акциясы барысында 1400 атыс қаруы тапсырылды. Ішкі істер министрлігінің ресми өкілі Нұрділдә Ораз таратқан мәліметке сай, 20 сәуірде басталған «Қару» акциясына азаматтар қару-жарақты ақылы түрде тапсырған. Бюджеттен биыл 95 млн теңгеден астам қаражат бөлінді.
Қару-жарақты өз еркімен тапсырғандарға оның техникалық жай-күйіне байланысты әр қару үшін айлық есептік көрсеткіштің оннан жүзге дейінгі сома мөлшерінде төлем көзделген. Атыс қаруын, оқ-дәрілерді, жарылғыш заттар мен құрылғыларды қабылдау әрбір аумақтық полиция органында жүргізілді.
