Жаңалықтарды Telegram арнамыздан оқыңыз!Түркияның ең ірі кітап көрмесінде қазақ қаламгерлерінің туындылары таныстырылды.Тәуелсіздіктің 30 жылдығы қарсаңында өткен 16 Анкара кітап көрмесі туралы келесі материалда.
Түркиялықтар кітап оқығанды жақсы көреді. Бір ғана мысал - пандемияға дейін осы кітап көрмесіне 450 мың адамға дейін келетін. Түркияның барлық баспа үйі өнімдерін әкелетін көрменің ерекшелігі сол қолға түсе бермейтін туындыларды арзан бағада алуға болады. Жыл сайын бір елді мейман ретінде шақыратын ұйымдастырушылардың таңдауы биыл Қазақстанға түсіпті.
Әділ Ахметов, жазушы, қоғам қайраткері:
Кезінде көп кітап оқыған елміз. Әлі де оқимыз деп ойлаймын. Сондықтан жастарға айтатыным: ең жақсы үлгі - кітап оқыңдар, жастар.
Шараның ашылуына жиналған мәртебелі қонақтар бұл көрме екі ел арасындағы мәдени байланысты бекітуде үлкен қадам екенін айтты. Көрмеде қазақ қаламгерлерінің туындылары үшін арнайы үлкен стенд құрылған.
Нұрғали Ораз, жазушы:
Біз олардың шығармаларын, олар біздің шығармаларды тәржімәлап оқырмандарына, еліне таныстырып жатыр. Қазақстан тәуелсіздігінің 30 жылдығына орай, менің «Қазығұрт оқиғалары» деп аталатын кітабым түрік тілінде басылып шықты. Соған ерекше қуанып тұрмын.
Мәлік Отарбаев, жазушы:
Жуырда ғана өзім аударған Жамбыл атамыздың «Көроғлы» деген дастаны - бүкіл түркі жұртына, оғыз жұртына таптырмайтын құндылық. Мінекей, бұл да алғаш рет түрік тіліне аударылып отыр. Осындай ғылыми жұмыстар, аударма жұмыстары, ізденістердің бәрі біздің университетте жүзеге асып отыр.
Кітап көрмесінде Әділ Ахметовтың «Колумб дәуірінен бұрынғы америкалық үндістердің алтайлық тегі», Бауыржан Қарағызұлының «Галстук» сияқты 9 туындының түрік тіліндегі аудармасы таныстырылды. Үлкен кітап жәрмеңкесі 30 қазанға дейін жалғасады.
Айдос Әшімұлы, Нысаналы Ығыл
