Жаңалықтарды Telegram арнамыздан оқыңыз!Елімізде биыл дизель отынына сұраныс 140 мың тоннаға артқан. Сондықтан Ресейден қосымша сұйық отын сатып алуға тура келді. Бұл туралы Атырауда мұнай-газ кешені қызметкерлерімен кездескен Энергетика министрі мәлімдеді. Мағзұм Мырзағалиевтің айтуынша қазір дизель тапшылығын жою жұмыстары жүріп жатыр. Ол үшін министр солярка өндірісін тоқтатпауымыз керек дейді. Сондықтан Атырау мұнай өңдеу зауытын жөндеу жұмыстары келесі жылға шегеріліп отыр. Кәсіпорын жыл басынан бері 935 мың тонна бензин, 1 млн 200 мың тоннаға жуық дизель отынын өндірген. Зауыт қазір жөндеуге жабылатын болса елдегі ахуал ушығып кетуі мүмкін.
Досжан Маратұлы
