Жаңалықтарды Telegram арнамыздан оқыңыз!«Қазақстан» телерадиокорпорациясы медиамектеп құрып, жастардың біліктілігін арттыруға кірісіп кетті. Мұнда еліміздегі ЖОО-ның журналистика, кино өнері және телевизия факультеттерінің III, IV курс студенттері шығармашылық және техникалық бағытта ақысыз білім алады. Болашақ мамандар 4 республикалық, 14 аймақтық телеарна мен 4 радионы біріктірген ең ірі медиақұрылым қызметкерлерінен дәріс алып, кәсіби маман ретінде қалыптасудың қыр-сырын үйренеді. 6 айға жалғасатын медиамектептің алғашқы курсы Нұр-Сұлтан қаласы, «Қазмедиа» орталығында оффлайн форматта жүргізіледі. Өтінімдер 1 қарашаға дейін qazaqstan.tv ресми сайты немесе mediamektep@qazaqstan.tv электронды поштасы арқылы қабылданады. Қосымша ақпаратты : +7 (717) 2 75 71 60 байланыс телефоны арқылы алуға болады.
Ләззат Танысбай, «Қазақстан» РТРК АҚ басқарма төрайымы:
Біздің мақсатымыз осы салада қызмет ететін жас әріптестерімізге бағыт-бағдар беру, қолдау. Бұл еңбек жолын Қазақстан корпорациясында бастағысы келетін жастардың тәжірибе алаңы болмақ. себебі алты ай ішінде жақсы тәжірибе жинақтаған таңдаулы студенттеді біз корпорация ішінен бақтарын сынауға мүмкіндік береміз.
