Жаңалықтарды Telegram арнамыздан оқыңыз!Солтүстік Қазақстан облысында бруцеллезге шалдыққан ірі қара саны көбейіп барады. Жыл басынан бері 400-ден астам түліктен ауру анықталған. Індетке шалдыққан малдың барлығы сойылды. Иелеріне өтемақы төленуде. Көрсеткіш өткен жылмен салыстырғанда екі есе төмен. Дегенмен 6 елдімекен жұқпа дендеген қауіпті аймақтар қатарында.
Құмар Ақсақалов, облыс әкімі:
Кей аудандарда бруцеллезге шалдыққан мал саны көбейді. Қызылжар ауданында 99, Есілде 89, Шал ақында 26. Әрбір жағдай бойынша зерттеу жүргізілді. Жұқпаның таралуының негізгі себебі малды ветеринариялық қызметтің рұқсатынсыз тасымалдау. Мәселен мамыр айында Айыртау ауданына Маңғыстаудан әкелінген 410 сиырдың 35-нен бруцеллез анықталды. 23-інің сараптамасы күмәнді болды.
Эльмира Кәленова
