Жаңалықтарды Telegram арнамыздан оқыңыз!Сайлауалды бағдарламаның жүйелі орындалуы Мәжілістегі Nur Otan фракциясының бақылауында. Бүгін осы бағдарлама аясында әзірленген жол карта жоспарының орындалуы қаралды. Палата Спикері Нұрлан Нығматулин пандемия жағдайында Үкімет пен мемлекеттік органдар айтарлықтай жұмыс атқарғанын атап өтті. Жоспар көрсетілген мерзімге сай орындалуда. Әйтсе де, жол картада көрсетілген кей салада кемшіліктер жоқ емес. Мысалы, шикізаттық емес экспорт, мұнай-газ химиясы өнімдерін өндіру, шаруа қожалықтарын құруға қатысты сын пікірлер айтылды. Мәжіліс депутаттары қойылған мақсаттарға жету үшін жол картасының тармақтарын уақтылы қаржыландырып, құжаттарды мерзімінде дайындау қажеттігін айтты. Әрі орталық және жергілікті атқарушы органдардың өзара іс-қимылын күшейту керек.
Раушан Сайлауқызы
