Алматыда троллейбус екі баланы қағып кетті - «Qazaqstan» Ұлттық телеарнасы

Алматыда троллейбус екі баланы қағып кетті

11.10.2021

Алматыда троллейбус жүргізушісі екі баланы қағып кетті. Оқиға Абай мен Брусиловский көшелерінің қиылысында болған. Жүргізуші мен оқиға куәгерлерінің айтуынша, №5 троллейбус Абай даңғылымен келе жатқан. Сол жердегі кептелісті пайдаланғысы келген балалар бағдаршамның қызыл түсіне қарамастан жолды кесіп өткен. Қоғамдық көліктің тізгіншісі тежегішті басқанымен, троллейбус тоқтай алмай, екі баланы қағып кеткен. Жол апатынан зардап шеккен 2008 және 2009 жылы туған екі бала түрлі жарақатпен жақын маңдағы ауруханаға жеткізілді. Жол полициясы оқиғаның мән-жайын анықтап жатыр.

Хабарламаларға жазылу