Жаңалықтарды Telegram арнамыздан оқыңыз!
Ресейлік көліктер Қазақстаннан дизель отынын нарықтағыдан төмен бағамен әкетіп жатыр деген ақпарат шындыққа жанаспайды. Әлеуметтік желілерде тараған бейнежазбаға қатысты бүгін еліміздің Энергетика министрлігі осылай жауап берді.
Видео авторы Ақтөбе облысында ресейлік нөмердегі көліктер дизель отынын көп көлемде және арзан бағамен алып, сыртқа шығарып жатыр дейді. Бірақ, энергетика министрлігі аталған жанармай станциясында дизель отыны мүлде сатылмайтынын жеткізді. Ал көліктерге литріне 164 теңге бағамен 92 маркалы бензин құйылып жатыр мәлімдеді. Мұнай өнімдерінің тапшылығын болдырмас үшін көктемде арнайы бұйрық шыққан. Оған сәйкес Қазақстан аумағынан автомобиль көлігімен бензиндерді, дизель отынын және мұнай өнімдерінің жекелеген түрлерін әкетуге алты ай мерзімге тыйым салынған. Жағармайды көліктің зауытпен жасалған бензин бактарына және жалпы көлемі 20 литрден аспайтын жеке ыдыстарға ғана құйып алуға ғана рұқсат.
