Жаңалықтарды Telegram арнамыздан оқыңыз!Жаңа маусымда саясат, өнер, білім және ғылым, мәдениет салаларында жетістікке жеткен қыз-келіншектермен сұхбат негізіндегі «Әйел әлемі», қандастарға арналған «Қазақтар», шалғайдағы ауыл балаларына арналған танымдық «Талпын» хабары көрерменге жол тартады. Арнаның негізгі тартуларының бірі - «Qazaqstan дауысы» жобасы әр сенбі сағат 20:40-та эфирге шығады.
Күннің басты жаңалықтарын ұсынатын «Aqparat» қызметі, аптаның айшықты оқиғаларын саралайтын «Apta» сараптамалық бағдарламасы, қоғамды алаңдатқан тақырыптар талқыланатын «Ashyq alań», «Másele» бағдарламалары, бір-бірінен қол үзіп қалған жандарды табыстыратын «Қымбат жандар» жобасы, сондай-ақ «Парасат майданы», «Тәледәрігер», «Тәуелсіздік тәуекелдері», «Qyzyq eken...», «Menіń Qazaqstanym», «Jan jylýy» хабарлары да жалғасын таппақ.
Ұлттық арна қосулы болсын!
