Жаңалықтарды Telegram арнамыздан оқыңыз!
Шымкентте оқу жылы басталысымен ата-аналар төлем картасына таласып шу шығарды. Қоғамдық көлікте жүретін құжатты алуға келгендер кеңсенің есігін сындыруға дейін барды.
Карантиндік талаптарды сақтамақ түгілі өзара жаға тыртысқан көпшілік картаға алдын ала тапсырыс бергенмен мерзімінде дайын болмағанын айтады.
Ал, карта алмаған жағдайда қоғамдық көлікке мінген оқушы да, студент те 100 теңгеден төлеуі тиіс. Жауаптылардың айтуынша, 12 мыңнан артық төлем картасы әзірленген. Бірақ жұрт ерте келмей дәл сабақ басталғанда жағдайды өздері қиындатты дейді. Қазір тұрғындардың көп жиналуына байланысты көмекке еріктілер тартылған. Бірақ кезекті реттей алмаған соң, кеңсе қызметкерлері тәртіп сақшыларының көмегіне жүгінуге мәжбүр болды.
Мұхтар Қоқанбаев, Шымкент қалалық жолаушылар көлігі және автомобиль жолдары басқармасы басшысының орынбасары:
Осыдан екі апта бұрын келіп көргенімде дайын карталарды беру пунктінде 4-5 адам жұмыс істеп отыр да, карта алып кетуге келген адамдардың саны тәулігіне 150 ары кетсе 200 адамға шейін барып отырды. Ал қазір көріп отырсыздар бір мезетте 200 адам бір сәтте келіп отыр. Ал, қазір көріп отырсыздар бір мезетте 200 адам бір сәтте келіп отыр.
Айнұр Ақбаева
