Жолдауды іске асырудың жалпыұлттық жоспары дайындалады - «Qazaqstan» Ұлттық телеарнасы

Жолдауды іске асырудың жалпыұлттық жоспары дайындалады

02.09.2021

Мемлекет басшысының жолдауындағы міндеттер мен тапсырмаларды жүзеге асыру үшін ұлттық жоспар құрылатын болды. Бұл туралы Үкімет басшысы Асқар Мамин айтты.

Жалпы, Жолдауда негізгі 5 бастама жарияланған. Құжаттағы басымдықтар азаматтардың әл-ауқатын арттыруға бағытталған. Сонымен қатар халықтың нақты табысын арттыруға және де қаражат жинақтауға ынталандыруды көздейтін іс-шаралар қаралған. Мемлекет басшысы айтқан тапсырмаларды уақытылы әрі сапалы орындау үшін барлық министрліктер, өңір әкімдері мен өзге де мемлекеттік органдар бірлесіп жұмыс істеуі керек.

Асқар Мамин, ҚР Премьер-Министрі:
Мемлекеттік органдарға Жалпыұлттық жоспар бойынша өз ұсыныстарын Ұлттық экономика министрлігіне 3 қыркүйекке дейін енгізуді тапсырамын. Ұлттық экономика министрлігі Жалпыұлттық жоспар жобасын 4 қыркүйекке дейін Премьер-Министрдің кеңсесіне енгізсін. Келесі отырыста біз оны қарап, Мемлекет басшысының бекітуіне енгізу үшін мақұлдауымыз қажет.
Оңғар Алпысбайұлы

Хабарламаларға жазылу