Жаңалықтарды Telegram арнамыздан оқыңыз!Ауғанстанда тәліптер Гельманд провинциясының астанасы Лашкар Гахтың бірнеше ауданын басып алды. Соңғы мәліметке қарағанда, үкімет әскері мен осы топ арасындағы қарулы жанжал кезінде 10 бейбіт тұрғын қаза тапқан.
Тәліптер мамырдан бері, яғни, АҚШ пен НАТО контингенттері елден шығарыла бастағалы, Ауғанстанның айтарлық бөлігін басып алды. Қазір радикалдық жасақтар Қандағар мен Герат провинциялары үшін соғыс жүргізіп жатыр.
Президент Ашраф Ғани елде мұндай жағдайдың қалыптасуына Батыс күштерінің кенеттен кету туралы шешімін айыптап отыр.
Арыстан Рысбек
