Жаңалықтарды Telegram арнамыздан оқыңыз!Арыстағы жарылыс кезінде денесіне снаряд қалдықтары тиіп шұғыл ауруханаға жеткізілген екі адамның денсаулық жағдайы қалыпты. Дәрігерлер дер кезінде ем-дом жасап үлгерген. Бұл туралы санаулы уақыт бұрын Шұғыл медициналық көмекті үйлестіру Ұлттық орталығының директоры Біржан Оспанов мәлімдеді. Сондай-ақ, ол Арыстағы жарылыстан шапа шеккендерге көмек көрсету бойынша атқарылып жұмыстар жөнінде мәлімет берді.
Біржан Оспанов, Шұғыл медициналық көмекті үйлестіру орталығының директоры:
Қазіргі уақытта 40-тан астам жедел- жәрдем жұмыс істеп жатыр. 2 ұшақ дайын тұр. Шымкенттегі, Ордабасыдағы ауруханаларға 48 адам жеткізілді. Оның 15-і ем қабылдауға жатқызылды. 2 баланы облыстық балалар ауруханасында дәрігерлердің бақылауында. Снаряд қалдықтары тиген екі науқастық ахуалы қалыпты. Өңірдегі медициналық мекемелер науқастарды қабылдауға тас-түйін дайын.
Ербол МӘНДІБЕК
