Жаңалықтарды Telegram арнамыздан оқыңыз!Қостанайда картоп пен сәбіз бір адамға екі келіден артық берілмейді. Бағасы шарықтап тұрған картопты 157, ал сәбізді 135 теңгеге алуға болады. Бірақ, әлеуметтік дүкендер мұндай арзан бағаға көкөністі шектеумен ғана сатады. Жергілікті билік осылайша пайдакүнем пысықайлардың жолын кеспек. Қазір облыстың тұрақтандыру қорында халық күнделікті тұтынатын әлеуметтік азықтың 12 түрі бар.
Илона Тимошенко, қалалық кәсіпкерлік бөлімінің басшысы:
Арзан көкөністі көтеріп сатып әкеткен жайлар жиі кездеседі. Сөйтеді де бұрышты айнала беріп оны бірнеше есе қымбатқа өткізеді. Соның кесірінен арзан азық көпшілік тұтынушыға жетпейді. Ал әр адамға екі келіден беру арқылы нағыз мұқтаж жандарды көбірек қамтуға мүмкіндік туады.
Дәуренбек Әбдібек
