Жаңалықтарды Telegram арнамыздан оқыңыз!Семей ядролық сынақ полигонының жабылғанына 30 жыл толды. Осыған орай «Таза табиғатпен – ядролық қарусыз ғасырға!» тақырыбында дөңгелек үстел өтті. Шараға «Невада-Семей» Халықаралық ядролық қаруға қарсы қозғалысының, «Қазақ елі» палатасы ұйымының қызметкерлері мен қоғам қайраткерлері қатысты. Жиында ядролық қалдықтарды залалсыздандыру, экологиялық, антиядролық саясатта белсенділік таныту, «Капустин-Яр» полигонындағы әлеуметтік ахуал мәселелерін талқылады. Өзге өңірлердегі полигондарды толыққанды зерттеу жұмыстары да назардан тыс қалған жоқ.
Ізімғали Көбенов, «Невада-Семей» Батыс Қазақстан аймағы филиалының директоры:
Тәуелсіздігімізге 30 жыл. Сондықтан бұқара халықтың алдында, азаматтық қоғамның алдында есеп беретін уақыт келді. Олжас Сүлейменов бастаған «Невада-Семей» Халықаралық антиядролық қозғалысының филиалдары барлық облыста бар. Көптеген шаруалар жасадық. Әлі де жұмыстар көп.
Ақниет Балтанова
