Жаңалықтарды Telegram арнамыздан оқыңыз!Түркияда «Ыстанбұл» каналының құрылысы басталды. Мәрмәр және Қара теңіздерді жалғастыратын су арнасы әйгілі «Босфор» бұғазымен қатарлас өтеді. Жобаның тұсаукесерінде президент Режеп Тайып Ердоған сөз сөйлеп, бұл құрылысқа 15 миллиард доллар жұмсалатынын айтты. Құрылысты 6 жылдан кейін аяқтау жоспарланған. Ердоған келтірген дерекке қарағанда, «Ыстанбұл» каналының ұзындығы 45 шақырым, ені 275, тереңдігі 21 метр. Жоспар бойынша, үстінен алты көпір салынатын жаңа канал арқылы тәулігіне 185 кеме өтеді. «Босфорға» түсетін салмақ азаяды деген үміт бар.
Арыстан Рысбек
