Ғұбайдулла Айдаровтың еңбегі 50 жылдан кейін қайта жарыққа шықты - «Qazaqstan» Ұлттық телеарнасы

Ғұбайдулла Айдаровтың еңбегі 50 жылдан кейін қайта жарыққа шықты

21.06.2021

Алматыда көрнекті түрколог Ғұбайдулла Айдаровтың көне ескерткіштер тілі туралы еңбегінің техникалық қателері түзетіліп, 50 жылдан кейін қайта жарыққа шықты.

 «8-ғасырдағы ежелгі түркі жазуындағы Орхон ескерткіштерінің тілі» атты кітапта Орхон өзені аңғарынан табылған жазбалар фонетикалық, лексикалық, морфологиялық және синтаксистік тұрғыда жан-жақты талданып, қазіргі түркі халықтары тілдерімен сабақтастығы көрсетілген. Автор өз зерттеуіне Тоныкөк, Күлтегін, Білге қаған, Онгин, Кули-Чор сынды ескерткіштердің жазбаларын арқау еткен. Кітаптың соңғы бөлігінде олардың толық мәтіні, транскрипциясы мен орыс тіліндегі аудармасы, сондай-ақ, грамматикалық форма көрсеткіштері және шағын сөздігі берілген.

Смағұл Елубай, Қазақстанның еңбек сіңірген қайраткері:
Советтік заманда тыйым салынған тақырыпқа түрен салған ғалымның ендігі жердегі тұғыры биіктей бермек. Өйткені жалпы түркологияға қазір жол кең ашылды. Бұл бір өте игілікті іс деп білемін.


Хабарламаларға жазылу