Жаңалықтарды Telegram арнамыздан оқыңыз!Елімізде 1-5 сыныптарда ағылшын тілін оқытуға арналған кітаптарда шетелдің идеологиясын насихаттайтын иллюстрациялар мен мәтіндер жарияланған. Олар ұлттық ұғым мен дәстүрлі тәрбиеге сай келмейді. Мәжіліс депутаты Мақпал Тәжмағамбетова Үкіметке жолдаған депутаттық сауалында осыны айтты. Бір қызығы, аталған оқулықтарға Білім және ғылым министрлігі оң сараптама берген. Мәселен, 2-сыныптың кітабында ұлттық дәстүрдің қатарына пасха мен масленница сынды діни мерекелер енгізілген. Бұған қоса, ұлттық аспап - домбыраға қатысты бұрын-соңды ел естімеген аңыз-әңгімелер жарияланған. Осы сынды олқылықтар оқулық бетінде өріп жүр.
Мақпал Тәжмағамбетова, ҚР Парламенті Мәжілісінің депутаты:
Үлгілік оқулық бағдарламасына сараптама жасап, бағдарлама әзірлеуші топтың құрамын қайта қарау қажет. Сараптамалық комиссия құрамына тек ағылшын тілі мұғалімдері емес, балалар психологынан бастап, суретші-педагог, этнограф, қазақ тілі мамандары, әдебиетшілер, тағы да басқа мамандарды енгізу қажет.
Дарын Сағитов
