Жаңалықтарды Telegram арнамыздан оқыңыз!Елімізде көмірсутегін қайта өңдеу саласында салғырттық көп. Әлемдік нарықта үлкен сұранысқа ие полиэтилен мен полипропилен материалдарын шығару жағы мүлдем ақсап тұр. Бүгін депутаттар осы саладағы экономикалық өсудің баяулағанын қатты сынға алды.
Елімізде 13 арнайы экономикалық аймақтың жұмысы тиімсіз. Жамбылда арнайы эконмикалық аймақты дамытуға 27 миллиард теңге бөлінгенмен нәтиже нөл.
Айбек Паяев, Қазақстан Республикасы Парламенті Мәжілісінің депутаты:
27 миллиард бөлгенбіз. Ал жалпы жоба бойынша 2,5 мың адамға жұмыс ашылу керек. Жүзге жақын сервистік компания ашылу керек. 16 химиялық завод ашылу керек. Ал бірақ бұл жоқ.
Аманияз Ержанов, ҚР Индустрия және инфрақұрылымдық даму вице-министрі:
Жеті жылдың ішінде бір ғана дейтін жоба іске қосылды. Қазір оның жұмысын жүргізуші үшін Самұрық-Қазынаның құзыретінен алып, оны Жамбыл әкімшілігіне беріп, бірге басқа сегіз жобамен жұмыс істеп жатырмыз.
Атырауда да полиэтилен мен пропилен өндірісі әлі іске қосылмаған. Бұған маман тапшылығы мен оны өндіретін құрылғыларға жөндеу жұмыстарының созылып кетуі себеп. Елде полипропилен шығаратын компаниялар бар, бірақ олар аз. Бұдан бөлек, депутаттар зауыттардың қауіпсіздік мәселесін де көтерді.
Еділ Жаңбыршин, Қазақстан Республикасы Парламенті Мәжілісінің депутаты:
Егер осы зауыттарда техногендік орын төтенше апаттық жағдай орын алған жағдайда қалалардың халқы мен өндірісі мен инфрақұрылымына залалы мен мөлшері қандай болмақ. Төтенше жағдай министрлігі мұндай жағдайды бағалаумен алдын ала айналысып жатыр ма? Бұл мәселе бүгін айтылған жоқ.
Демек, Атырау мен Жамбылдың мұнай химия саласындағы жұмыстары тағы созылайын деп тұр. Осы мәселелерге орай депутаттар салалық министрліктердің, кәсіпорындар мен университеттердің өзара бірлесіп жұмыс істеу керектігін баса айтты.
Ламбриан Топузидис
