Үндістанның шығыс жағалауында 1,1 млн адам қауіпсіз жерге көшірілді - «Qazaqstan» Ұлттық телеарнасы

Үндістанның шығыс жағалауында 1,1 млн адам қауіпсіз жерге көшірілді

26.05.2021

Үндістанның шығысына алапат циклон қауіп төндіріп тұр. Сондықтан, бұл аймақтан 1,1 миллион адам эвакуацияланған. «Йаас» деп аталатын жауынды дауыл Одиша және Батыс Бенгал штаттарына соққы беруге жақын. Оның жылдамдығы сағатына 180 шақырымға жетеді деген болжам бар.

Халықты көшіру мен құтқару операцияларына мыңдаған жауынгер мен төтенше жағдай қызметкерлері тартылды.

Айта кетсек, былтыр мамырда дәл осындай табиғи апаттан бұл өңірде 100 шақты адам мерт болып, талай ауыл қирап, миллиондаған тұрғын жарықсыз қалған еді. Ал, осыдан 10 күн бұрын Үндістанда «Тауктае» циклонының соққысынан 140 адам қаза тапты.

Арыстан Рысбек

Хабарламаларға жазылу