Жаңалықтарды Telegram арнамыздан оқыңыз!Қазақстан Біріккен Араб Әмірліктерінде Hayat-Vax деген атпен шығатын қытайлық вакцинаның миллион дозасын сатып алды. Бұл туралы Денсаулық сақтау министрлігінің баспасөз қызметі хабарлады.
«СҚ-Фармация» «Самұрық-Қазына» Ұлттық әл-ауқат қоры АҚ ұжымын вакцинациялау үшін 1 000 000 доза мөлшерінде коронавирустық инфекцияға қарсы Hayat-Vax (SARS-CoV-2 (Vero Cell) вакцинасының партиясын сатып алды. Sinopharm компаниясы вакцинасының бұл партиясы Бірыңғай дистрибьютордың хабтарына жөнелтілгеннен кейін бірінші кезекте холдинг контингентінің қажеттіліктері үшін пайдаланылатын болады», - делінген хабарламада.
Содан кейін Hayat-Vax вакциналарының қалған саны халық арасында вакцинация алғысы келетіндер үшін қолданылады.
Аталған вакцина келесі кесте бойынша жеткізіледі:
— 2021 жылдың 30 сәуіріне дейін 400 000 доза;
— 2021 жылдың мамыр айында 600 000 доза.
Айта кетейік, Hayat-Vax вакцинасының екі дозасын егу қажет, екінші доза бірінші инъекциядан кейін 14 күннен соң жүргізіледі.
