Жаңалықтарды Telegram арнамыздан оқыңыз!Елімізде коронавирустың таралуы бәсеңсіп келеді. Үкімет отырысында Денсаулық сақтау министрі Алексей Цой осылай деді. Індетке шалдыққандардың күнделікті динамикасы наурыз айының соңындағы 46 пайыздық өсім қарқынынан, өткен аптада 8 пайызға дейін төмендеген. Ал, өлім-жітім өсімі 30-дан 8 пайызға дейін азайды. Министр ахуалдың айтарлықтай тұрақтануы байқалады-деді. Өңірлер аймақтағы эпидемиологиялық ахуалды ескере отырып шектеу іс-шараларын түзету жалғасады. Министрдің мәліметіне сай, аруға шалдыққандар көрсеткіші бойынша 221 елдің ішінде Қазақстан 108-орында. Ал өлім-жітім бойынша 107-орында тұр.
Алексей Цой, ҚР Денсаулық сақтау министрі:Қазақстанда екі вакцина салынып жатыр. Олар «Спутник V» және QazVac. Еліміз әлемдегі вакцина өндіруші 10 мемлекеттің қатарына кірді. Әлемдік рейтинге сәйкес, 177 ел арасында Қазақстан вакцина салдырғандар көрсеткіші бойынша 52-орында. Вакцинаны жеткізу кезең-кезеңмен жүзеге асады, кестеге сәйкес, сәуірде халықтың 20 пайызына жеткізу қарастырылған. Вакцина салдыру елдегі эпидемиологиялық жағдайды қалыпқа келтіруге ықпалын тигізе береді.
Ғабит Бөкенбай
