Жаңалықтарды Telegram арнамыздан оқыңыз!Биылдан бастап 500 қазақстандық ғалым мемлекет есебінен шетелде тағылымдамадан өтеді. Бұл туралы Мемлекеттік хатшы Қырымбек Көшербаевтың төрағалығымен өткен комиссияның отырысында айтылды. Бұндай міндет президент жолдауында айтылған. Ғалымдар үшін енді «Болашақ» бағдарламасында арнайы санат бекітілді. Білім және ғылым министрі Асхат Аймағамбетовтің айтуынша пандемия жағдайындағы жаңа сын-қатерлерді ескере отырып, ғылыми, медициналық және инженерлік-техникалық қызметкерлердің тағылымдамаларына басымдық беріледі. Отырыс қорытындысы бойынша Мемлекеттік хатшы «Болашақ» халықаралық стипендиясын іске асырудың тетіктерін одан әрі жетілдіру бойынша бірқатар тапсырма берді.
Шерхан Жамбылұлы
